कोनाटे चार वर्षको सम्झौतामा रियल मड्रिडमा

काठमाडाैं । स्पेनिस जायन्ट रियल मड्रिडले फ्रान्सेली सेन्टर ब्याक इब्राहिमा कोनाटेलाई चार वर्षको सम्झौतामा अनुबन्ध गर्ने सहमति गरेको छ। २७ वर्षीय यी डिफेन्डर लिभरपुलसँगको सम्झौता सकिएपछि जुन महिनाको अन्त्यमा ‘फ्री ट्रान्सफर’ मा मड्रिड प्रस्थान गर्न लागेका हुन्।

लिभरपुल र कोनाटेबीच पारिश्रमिक र खेलाडीको मूल्याङ्कनको विषयमा कुरा नमिल्दा नयाँ सम्झौता हुन सकेको थिएन। रियल मड्रिडले एक विज्ञप्ति जारी गर्दै कोनाटेसँग आगामी चार सिजन अर्थात् ३० जुन २०३० सम्मका लागि क्लबमा रहने गरी सम्झौता भएको पुष्टि गरेको छ।