सामाजिक सञ्जाल नियमनमा सरकार, भ्रामक विज्ञापन २४ घण्टाभित्र हटाउन निर्देशन

काठमाडौं, असार ४ । नेपाल सरकारको विज्ञापन बोर्डले सामाजिक सञ्जालमार्फत प्रसारित भइरहेका भ्रामक तथा गैरकानुनी विज्ञापनप्रति कडाइ गर्दै त्यस्ता सामग्री २४ घण्टाभित्र हटाउन सम्बन्धित सबैलाई निर्देशन दिएको छ।

बोर्डले बिहीबार सूचना जारी गर्दै फेसबुक, इन्स्टाग्राम, ह्वाट्सएप, टिकटक, युट्युब लगायत सामाजिक सञ्जालमा आवश्यक लेबलिङ, लाइसेन्स तथा आधिकारिक प्रमाणीकरणबिना औषधिजन्य पदार्थ र सामग्रीको भ्रामक विज्ञापन व्यापक रूपमा फैलिएको जनाएको हो।