मोटरसाइकल दुर्घटनामा परेकी सीताको मृत्यु

मोटरसाइकल दुर्घटना हुँदा बर्दियामा एक महिलाको मृत्यु भएको छ । मधुवन नगरपालिका–८ की अन्दाजी ५५ वर्षीया सीता डाँगीको सोमबार मृत्यु भएको हो । मधुवन नगरपालिका–८ का अन्दाजी ३२ वर्षीय गोबिन्द डाँगीले चलाएको मोटरसाइकल अनियन्त्रित भई राजापुर नगरपालिका–१० कोठियाघाट पुल स्थित सोमबार बिहान ११ बजे दुर्घटना भएको प्रहरीले जनाएको छ ।

प्रहरीका अनुसार तीन जना सवार मोटरसाइकल राजापुरबाट लालीबजार तर्फ आईरहेको थियो । दुर्घटना हुँदा मोटरसाइकलमा सवार तीनै जना घाईते भएका थिए । जसमा ५५ वर्षीया सीताको टाउँको, हात खुट्टा र ४७ वर्षीया डेनिसरा खत्रीको हातमा चोट लागेको थियो ।