इरान सम्झौताकाे आलोचना गर्नेहरुप्रति ट्रम्पकाे प्रतिवाद

वासिङ्टन डीसी । अमेरिकी राष्ट्रपति डोनाल्ड ट्रम्पले इरानसँग भएको सम्झौताप्रति भइरहेको आलोचनाको कडा प्रतिवाद गरेका छन् । उनले आफ्नो नीतिका कारण अमेरिकी सेयर बजारले कीर्तिमानी उचाइ छोएको र तेलको मूल्य घटिरहेको दाबी गर्दै आलोचकहरूलाई ‘ईर्ष्यालु, खराब मानिस वा ‘मूर्ख’ भनेका छन् ।

आफ्नो सामाजिक सञ्जाल टुथ सोसलमा ट्रम्पले लेखेका छन्, ‘यी मूर्खहरू सोच्छन् कि म इरानप्रति पर्याप्त कडा भइन् । सेयर बजारले नयाँ कीर्तिमान बनाइरहेको छ र तेलको मूल्य तीव्र रूपमा घटिरहेको छ । यस्तो भन्नेहरू या त ईर्ष्यालु हुन् कि खराब वा मूर्ख हुन् ।’

उनको यो प्रतिक्रिया अमेरिका र इरानबिच हालै भएको सम्झौतापछि आएको हो । उक्त सम्झौताले युद्धविराम कायम राख्ने, स्टेट अफ होर्मुज पुनः खोल्ने तथा इरानी तेलमाथिका केही अमेरिकी प्रतिबन्धहरू खुकुलो बनाउने व्यवस्था गरेको छ ।

ट्रम्प प्रशासनले सम्झौतालाई कूटनीतिक सफलता भनेको छ । तर केही अमेरिकी सांसद र नीति निर्माताहरूले यसले वासिङ्टनका रणनीतिक उद्देश्य पर्याप्त रूपमा पूरा नगरेको तर्क गरेका छन् ।

आलोचकहरूको भनाइमा इरानको आणविक कार्यक्रम, ब्यालिस्टिक क्षेप्यास्त्र विकास तथा क्षेत्रीय प्रभावलाई नियन्त्रण गर्ने विषयमा सम्झौता हुनुपर्ने जति कडा छैन ।