२२ बुँदे माग राख्दै आन्दोलनमा उत्रिए गुजराका युवा

गुजरा नगरपालिकाका युवाहरुले विभिन्न जनसरोकारका २२ बुँदाहरु उठाउँदै आन्दोलनमा उत्रेका छन् । नगरका युवाहरुले २२ बुँदे माग नगरपालिकालाई बुझाएको तर मागहरुमाथि वेवास्ता गरेको आरोप युवाको छ । उनीहरूले २२ बुँदे सूचना सार्वजनिक गर्नुपर्ने, शिक्षा क्षेत्रमा भएको राजनीतिक नियुक्ति खारेज गर्नुपर्ने, नगर अस्पताल संचालन गर्नुपर्ने, लामखुट्टेको प्रकोप नियन्त्रण गर्नका लागि औषधि छर्नुपर्ने, डेढ वर्षमा भत्किने र झर्ने गुणस्तरहीन भौतिक संरचनाको स्वीकृति दिने इन्जिनियरमाथि कारबाही गर्नुपर्ने लगायतका माग राखी युवाहरुले आन्दोलनको सुरुआत गरेका छन् ।

युवाहरुले स्थानीय सरकार पारदर्शी, जवाफदेही र जनमुखी बन्नुपर्ने माग पनि अगाडि बढाउँदै आफ्ना माग सम्बोधन नभए आन्दोलनलाई थप चरणबद्ध र सशक्त बनाउने चेतावनी पनि दिएका छन् ।