चिया संकटबारे राष्ट्रिय सभाको चासो, किसान र श्रमिकका समस्या तत्काल समाधान गर्न सरकारलाई निर्देशन

राष्ट्रिय सभाअन्तर्गत विकास, आर्थिक मामिला तथा सुशासन समितिले चिया क्षेत्र देखिएको संकटप्रति गम्भीर चासो व्यक्त गर्दै चिया किसान तथा चिया बगानमा कार्यरत श्रमिकका समस्या तत्काल समाधान गर्न सरकारलाई निर्देशन दिएको छ ।

बिहीबार बसेको समितिको बैठकले पछिल्लो समय चिया उद्योगमा देखिएको अवरोध, किसानले भोग्दै आएका समस्या र श्रमिकको अवस्थाबारे छलफल गर्दै सरकारलाई तत्काल आवश्यक पहल गर्न भनेको हो ।