नेपालका लागि अमेरिकी राजदूतावासका कार्यवाहक राजदूत Mr. Scott Urbom शिष्टाचार भेटका लागि कानून, न्याय तथा संसदीय मामिला मन्त्रालय
barnanmedia.com · Thu Jun 18 10:53:40 GMT 2026
नेपालका लागि अमेरिकी राजदूतावासका कार्यवाहक राजदूत Mr. Scott Urbom शिष्टाचार भेटका लागि कानून, न्याय तथा संसदीय मामिला मन्त्रालयमा आउनुभयो ।
उहाँले मन्त्रीज्यूलाई मन्त्रीको जिम्मेवारीका लागि बधाई तथा शुभकामना व्यक्त गर्नुभयो। नेपाल सरकारले शासकीय सुधार सम्बन्धी एक सय कार्यसूचीहरूका विषयमार्फत भ्रष्‍टाचारको उन्मूलन, शासकीय सुधार हुने कुरामा विश्वास गरी यसमार्फत अमेरिकी कम्पनीहरूले नेपालमा लगानी गर्न उत्साहित बनाएको बताउनु भयो।
मन्त्रीज्यूले अमेरिकी सरकारसँग पारस्परिक कानूनी सहायताका सन्दर्भमा यस मन्त्रालयबाट पूर्वगृहकार्य भइसके‍‍को हुँदा यस विषयलाई टुङ्‍गो लगाउनेतर्फ अघि बढ्‍नुपर्ने उल्लेख गर्नुभयो। मानव बेचविखन तथा ओसारपसार, लगानीको प्रबर्द्धन र पूर्वाधार विकासका विषयमा समयानुकूल कानून निर्माण गर्ने विषयमा सार्थक छलफल भयो।
भेटका क्रममा मन्त्रीज्यूले न्यायमा सहज पहुँच सुनिश्चित गर्न मन्त्रालयले नेपालको तीनै तहका कानूनहरूको एकै प्लेटफर्मबाट पहुँच हुने गरी डिजिटाइजेसन कार्य गरिरहेको विषयमा जानकारी दिनु भयो। एकीकृत कानूनी सहायता र संक्रमणकालीन न्यायका विषयमा अमेरिकी सरकारसँग सहकार्य गर्न खुला रहेको सन्देश दिनुभयो।
स्रोतमा पूरा पढ्नुहोस् (barnanmedia.com)