विराट गोल्डकपको उपाधि थ्रीस्टारलाई

मोरङ । ‘विराट गोल्डकप’ फुटबल प्रतियोगिताको उपाधि थ्री स्टार क्लब ललितपुरले जितेको छ । फाइनल खेलमा चर्च ब्वाइज युनाइटेडलाई २–० गोलले पराजित गर्दै थ्री स्टारले उपाधि जितेको हो ।

प्रतियोगिताको विजेता टोली थ्री स्टारले नगद ११ लाख र उपविजेता चर्च ब्वाइज युनाइटेडले पाँच लाख पाएको छ । विराट गोल्डकप ट्रष्टले आयोजना गरेको रात्रिकालीन प्रतियोगितामा थ्री स्टारका खेमराज श्रेष्ठले खेलको पाँच मिनेटमा र दीपेश घलेले ६३ मिनेटमा एक-एक गरेर टोलीलाई उपाधि दिलाए ।