पोखरा विमानस्थल भ्रष्टाचार: माओवादी मन्त्रीले बिउ रोपे, कांग्रेस, एमाले र खिलराज मिलेर फैलाए

काठमाडौं : पोखरा अन्तर्राष्ट्रिय विमानस्थल निर्माणमा सरकारी अधिकारीदेखि चिनियाँ कम्पनीसम्मको नियोजित रणनीतिअनुसार संगठित भ्रष्टाचार भएको सार्वजनिक भएको दुई वर्षपछि बल्ल पूर्वमन्त्री र पूर्वसचिवसहित ५५ जनालाई प्रतिवादी बनाएर अख्तियार दुरूपयोग अनुसन्धान आयोगले विशेष अदालतमा मुद्दा दर्ता गर्यो।

२ वर्षअघि नै नेपाल नागरिक उड्डयन प्राधिकरणको आन्तरिक प्रतिवेदनमै अनियमितता भएको प्रस्ट देखिँदा समेत महालेखा परीक्षकको कार्यालयले केही अंश मात्रै राखेर पारदर्शी भएर काम गर्न सुझाव दिएको थियो।