राष्ट्रिय फुल कन्ट्याक्ट कराते वैशाख २४ देखि

काठमाडौं । नेपाल क्योकुसिन कराते डो संघ बज्रको आयोजनामा १८औँ राष्ट्रिय पुरुष तौलसमूह तथा १७औँ राष्ट्रिय महिला खुला फुल कन्ट्याक्ट कराते प्रतियोगिता वैशाख २४ गतेदेखि हुने भएको छ ।

प्रतियोगिताको पुरुषमा चार र महिलामा एक गरी पाँच स्पर्धामा प्रतिस्पर्धा हुने आयोजक संघका अध्यक्ष जगतप्रसाद गौचनले सोमबार आयोजित पत्रकार सम्मेलनमा जानकारी गराए । पुरुषमा ५० केजीमुनि, ६० केजीमुनि, ७० केजीमुनि र ७० केजीमाथि तौलसमूहमा भीडन्त हुनेछ । महिलामा खुला तौलसमूहमा खेल हुनेछ ।