एमडीएच फर्मास्युटिकल्सलाई इएसक्यूआर क्वालिटी अचिभमेन्ट्स अवार्ड २०२६

काठमाडौं- नेपाली औषधि उद्योगको अग्रणी कम्पनी एमडीएच फर्मास्युटिकल्स प्रा.लि.ले बेल्जियमको राजधानी ब्रसेल्समा आयोजित अन्तर्राष्ट्रिय समारोहमा प्रतिष्ठित इएसक्यूआर क्वालिटी अचिभमेन्ट्स अवार्ड २०२६ (गोल्ड क्याटेगोरी) प्राप्त गरेको छ।

कम्पनीले जारी गरेको विज्ञप्तिअनुसार स्पेनस्थित युरोपियन सोसाइटी फर क्वालिटी रिसर्च–इएसक्यूआर)ले गुणस्तर व्यवस्थापन, अनुसन्धान तथा विकास, नवप्रवर्तन, ग्राहक सन्तुष्टि र अन्तर्राष्ट्रियस्तरको गुणस्तर प्रणालीप्रतिको प्रतिबद्धताको कदर गर्दै उक्त सम्मान प्रदान गरेको हो।