कानुनमन्त्रीसँग अमेरिकी कार्यवाहक राजदूतको भेट, के भयो कुरा ?

काठमाडौं । कानुन, न्याय तथा संसदीय मामिलामन्त्री सोबिता गौतमसँग नेपालका लागि अमेरिकाका कार्यवाहक राजदूत स्कट अर्बमले शिष्टाचार भेटवार्ता गरेका छन् ।

उनीहरूबीच मन्त्रालयमा भेटवार्ता भएको हो । भेटवार्तका क्रममा कार्यवाहक राजदूतले गौतमलाई मन्त्रीको जिम्मेवारीका लागि बधाई दिएका गौतमको सचिवालयले जानकारी दिएको छ ।

उनले सरकारले शासकीय सुधारसम्बन्धी एक सय कार्यसूचीले सुशासन र शासकीय सुधार हुने विश्‍वासले अमेरिकी कम्पनीहरूले नेपालमा लगानी गर्न उत्साहित बनाएको बताएका सचिवालयले जनाएको छ ।

मन्त्री गौतमले अमेरिकासँग पारस्परिक कानुनी सहायताका सन्दर्भमा पूर्वगृहकार्य भइसके‍‍काले यसलाई टुंगो लगाउनेतर्फ अघि बढ्‍नुपर्ने बताइन् । त्यस्तै, मानव बेचविखन तथा ओसारपसार, लगानी प्रबर्द्धन र पूर्वाधार विकासजस्ता विषयमा समयानुकूल कानुन निर्माण गर्नेमा पनि छलफल भएको थियो ।

#कानुनमन्त्री सोविता गाैतम