एस्टन भिल्ला च्याम्पियन्स लिग फुटबलको क्वार्टरफाइनलमा

काठमाडौं । इंग्लिश क्लब एस्टन भिल्ला च्याम्पियन्स लिग फुटबलको क्वार्टरफाइनलमा पुगेको छ । बुधबार राती घरेलु मैदानमा भएको दोस्रो लेगमा ३-० को सहज जित निकालेको एस्टन भिल्ला समग्रमा ६-१ गोल अन्तरले अघि रहँदै क्वार्टरफाइनलमा पुगेको हो ।

पहिलो लेगमा एस्टनले बेल्जियमको क्लब ब्रुगलाई ३-१ गोल अन्तरले हराएको थियो । एस्टनको फराकिलो जितमा बुधबार मार्को असेन्सियोले दुई गोल गर्दा इयान मात्सेनले एक गोल गरे । क्लब ब्रुगका किरियानी सब्बे १७ मिनेट मै रातो कार्ड खाएर बाहिरिएपछि टोली तनावमा आयो र दोस्रो लेगमा गोलविहिन बन्यो ।