को हुन् लोकतान्त्रिक चोकको जग्गा हडप्ने कांग्रेस नेता ?

काठमाडौं । प्रतिनिधिसभाको बुधबार बसेको बैठकमा सरकारले हालै जारी गरेको अध्यादेश प्रतिस्थापन विधेयकमाथि छलफल र पारित गर्ने एजेन्डा थियो । तर, जब बैठकको शून्य समयमा सांसदले सरकारी जग्गा हडपेको आरोप लगाए, त्यसपछि लफडा सुरु भयो ।

राष्ट्रिय स्वतन्त्र पार्टी (रास्वपा)का सांसदद्वय सुमना श्रेष्ठ र शिशिर खनालले काठमाडौंको तारकेश्वर नगरपालिकाको लोकतान्त्रिक चोकमा रहेको सरकारी जग्गा नेपाली कांग्रेसका नेताले हडपेको आरोप लगाए । कांग्रेस नेताले सार्वजनिक जग्गा हडपेर उपयोग गरिरहेको बताएपछि कांग्रेसका सांसद राजेन्द्र बजगाईले नियमापत्ति जनाए ।