विशाल लक्ष्य पछ्याउँदै न्युजिल्याण्डले पाकिस्तानलाई हरायो

हैदराबाद । पाकिस्तानले प्रस्तुत गरेको ३ सय ४६ रनको विशाल लक्ष्य पछ्याउँदै न्युजिल्याण्डले अभ्यासले खेलमा ५ विकेटको शानदार जीत हासिल गरेको छ । न्युजिल्याण्डले उक्त लक्ष्य ३८ बल बाँकी छँदै मात्र पाँच विकेटको क्षतिमा पछ्यायो ।

न्युजिल्याण्डलाई जीत दिलाउन रचिन रवीन्द्रले ९७ रनको विस्फोटक पाली खेले उनले ७२ बलमा १६ चौका र एक छक्का हिर्काए । त्यस्तै, मार्क च्याप्पम्यानले पनि ६ चौका र ३ छक्का हिर्काएर नटआउट ६५ रन बनाए ।