विश्वकपको इतिहासमा पाका खेलाडीहरू

विश्वकप फुटबलको ९६ वर्षको इतिहासमा अहिलेसम्म ४० वर्ष वा त्यसभन्दा बढी उमेर भएका केवल सात जनाले खेलेका छन् । आगामी जुन ११ देखि अमेरिका, क्यानडा र मेक्सिकोमा आयोजना हुने विश्वकपमा ५ पाका खेलाडी थपिने छन् । स्कटल्यान्डका गोलकीपर क्रेग गोर्डन खेल्न अवसर जुटेमा सबैभन्दा पाका खेलाडी बन्ने छन् । हालको उनको उमेर ४३ वर्ष हो ।

यस्तै, पोर्चुगलका ४१ वर्षीय कप्तान क्रिस्टियानो रोनाल्डोले यसपालि छैटौँ पटक विश्वकप खेल्न लागेका छन् । रोनाल्डो उमेरका आधारमा ज्येष्ठ खेलाडीहरूको सूचीमा पर्ने छन् । अर्जेन्टिनाका लियोनेल मेस्सी पनि विश्वकप सुरु भएपछि ३९ वर्षमा लाग्नेछन् । साथै यसै विश्वकपमा रोनाल्डो र मेस्सीले ६ संस्करणको विश्वकप खेलेर नयाँ कीर्तिमान पनि बनाउने छन् ।