जिल्ला समन्वय समितिका प्रमुखको निधन

भक्तपुर । जिल्ला समन्वय समिति भक्तपुरका प्रमुख ईश्वर थापाको सोमबार निधन भएको छ ।

शिक्षण अस्पताल महाराजगन्जमा उपचाररत रहेका थापाको ६५ वर्षको उमेरमा निधन भएको हो । सूर्यविनायक नगरपालिका–७ निवासी थापा विगत दुई सातादेखि मुटु तथा उच्च रक्तचापसम्बन्धी समस्याका कारण उपचाररत रहेका थिए ।

थापाको सोमबार साँझ पशुपति आर्यघाटमा अन्त्येष्टि गरिएको उनको पारिवारिक श्रोतले जनाएको छ । उनी रेडियो नेपालको सेवा निवृत्त पत्रकारसमेत रहेका थिए । उनका एक छोरा, तीन छोरी र श्रीमती छन् ।