संसदमा गृहमन्त्री गुरुङलाई प्रश्न– जीवी राई कहिले सम्पर्कमा आउँछन् ?

काठमाडौँ । नेपाली कम्युनिष्ट पार्टीकी सांसद पार्वती विकले गृहमन्त्री सुधन गुरुङलाई सहकारी ठगी प्रकरणका मुख्य आरोपी जीवी राई कहिले पक्राउ पर्छन् भन्दै प्रश्न गरेकी छन्। बिहीबार प्रतिनिधि सभा बैठकमा गृह मन्त्रालयको विनियोजन शीर्षकमाथिको छलफलमा गृहमन्त्रीले जवाफ दिएपछि सांसद विकले स्पष्टीकरण माग गर्दै यस्तो प्रश्न सोधेकी हुन्।

सहकारी बचतकर्ताको रकम हिनामिना गरेको आरोपमा १४ भदौ २०८० मा जाहेरी परेपछि जिल्ला प्रहरी कार्यालय कास्कीले राईसहित १९ जनाविरुद्ध पक्राउ पुर्जी जारी गरेको थियो। उक्त प्रकरणका केही आरोपीहरू पक्राउ परे पनि मुख्य अभियुक्त राईलाई सरकारले हालसम्म नियन्त्रणमा लिन सकेको छैन।