आगामी सिजनको आईपीएल साविकभन्दा केही चाँडो सुरु हुने सम्भावना

४ असार, काठमाडौं । भारतीय क्रिकेट नियन्त्रण बोर्ड (बीसीसीआई) ले आगामी सिजनदेखि इन्डियन प्रिमियर लिग (आईपीएल) निर्धारित समयभन्दा केही छिट्टै सुरु गर्ने सम्भावनाबारे छलफल गरिरहेको जनाएको छ ।

बीसीसीआईका सचिव देवजित सकियाले खेलाडी र दर्शकले अत्यधिक गर्मीको सामना गर्नुपरेको तथा मे महिनाको दोस्रो भागमा प्रि-मनसुन वर्षाले खेल प्रभावित गर्न सक्ने भएकाले प्रतियोगिता चाँडै सुरु गर्ने विषयमा छलफल भइरहेको बताएका छन् ।