छाया सेन्टर विवादसम्बन्धी मुद्दामा सर्वोच्चले आज निर्णय सुनाउने

काठमाडौं । काठमाडौंको ठमेलस्थित कमलपोखरी (छायादेवी कम्प्लेक्स) सार्वजनिक जग्गा अतिक्रमण गरी निर्माण गरिएकाले भत्काउनुपर्ने माग गर्दै सर्वोच्च अदालतमा परेको १५ थान मुद्दाको अन्तिम निर्णय सुनाउनका लागि ४ पुस (आज) पेसी तोकिएको छ ।

सर्वोच्च अदालतमा ९ वर्षदेखि विचाराधीन मुद्दाको २२ माघ २०८० देखि निरन्तर सुनुवाइ हुँदै आएको थियो । यस मुद्दाको अन्तिम सुनुवाइ सकेर २८ मंसिरमा निर्णय सुनाउनेमा राखिएको भए पनि सो दिन हेर्न नभ्याउनेमा राखिएको थियो । त्यसपछि ४ पुसका लागि निसु (निर्णय सुनाउने) सरेको हो ।