पर्यटनमन्त्री पौडेल र युरोपियन युनियनका राजदूतहरूबिच भेटवार्ता

काठमाडौँ । संस्कृति, पर्यटन तथा नागरिक उड्डयनमन्त्री खडकराज पौडेल (गनेस) र नेपालका लागि युरोपियन युनियन (इयु) का राजदूतहरूबिच सामूहिक शिष्टाचार भेटवार्ता भएको छ ।

मन्त्रालयमा सोमबार भएको भेटमा राजदूतहरूले नेपालको पर्यटन, संस्कृति र नागरिक उड्डयन क्षेत्रको विकास एवं प्रवर्द्धनका लागि सरकारले अघि सारेका एजेन्डाप्रति चासो व्यक्त गरेको मन्त्रालयद्वारा जारी विज्ञप्तिमा भनिएको छ । उनीहरुले उक्त क्षेत्रको विकासमा युरोपेली मुलुक सहकार्य र सहयोग गर्न तत्पर रहेको बताएका थिए ।