सुहाङसँग फराकिलो मतान्तरमा डम्बर, डकेन्द्र पछिपछि

इलाम । इलाम क्षेत्र नम्बर २ को जारी मतगणनामा नेकपा (एमाले)का सुहाङ नेम्वाङले मतको अग्रता बढाइरहेका छन् । उनले लगातार मतान्तर फराकिलो बनाइरहेका छन् ।

यो समाचार तयार पार्दासम्म सुहाङले २२ हजार ४ सय ९२ मत ल्याएका छन् । उनलाई पछ्याइरहेका नेपाली कांग्रेसका उम्मेदवार डम्बरबहादुर खड्काले १६ हजार २ सय २८ मत ल्याएका छन् । फाकफोकथुमका ७, चुलाचुलीका ६, माङ्सेबुङका ६, माईका ३ र देउमाईका ५ वटा वडाको ४६ हजार ५ सय ५४ मत गणना भइसक्दा नेम्वाङले मतान्तर फराकिलो बनाइरहेका छन् ।