सिडिओ कार्यालयमा नागरिक सहायता कक्ष

जिल्ला प्रशासन कार्यालय उदयपुरले कार्यालय भवनमै “नागरिक सहायता कक्ष” स्थापना गरी सञ्चालनमा ल्याएपछि सर्वसाधारणलाई राहत मिलेको छ । खासगरी निरक्षर, ज्येष्ठ नागरिक, अशक्त, अपाङ्गतालाई लक्षित गरी स्थापना गरिएको सहायता कक्षमा सबैखाले सेवाग्राही लाभान्वित हुन पाएका छन् ।

कार्यालयमा सेवा लिन आउने सर्वसाधारणलाई लिखत तथा अन्य कानुनी परामर्श र सहयोग गर्ने उद्देश्यले बुधबारदेखि सञ्चालनमा ल्याएको सहायता कक्ष मेखबहादुर मगराती यसैसाता नयाँ प्रमुख जिल्ला अधिकारी (सिडिओ) को रूपमा आएपछि स्थापना गरिएको हो । उनी आएलगत्तै कार्यालय भवनको भुइँतलामा सहायता कक्ष स्थापना गरी सञ्चालनमा ल्याइएको कार्यालयका सूचना अधिकारी सहायक प्रमुख जिल्ला अधिकारी विक्रम पाण्डेले बताए ।