सिरहाका ग्रामीण क्षेत्रमा निःशुल्क आँखा शिविर, ६ सयभन्दा बढी लाभान्वित 

सिरहा — सिरहाका ग्रामीण क्षेत्रमा सञ्चालन भएको निःशुल्क आँखा शिविरमा ६ सयभन्दा बढी सर्वसाधारणले सेवा लिएका छन् । सुखीपुर नगरपालिकाका दुई स्थानमा चलेको आँखा शिविरमा ६ सय ५० जना सर्वसाधारण लाभान्वित भएका हुन् ।

जसमध्ये ८१ जनाले मोतीया बिन्दुको शल्यक्रिया सेवा लिएको आयोजक संस्था सुखीपुर युवा सञ्जालले जनाएको छ । उनीहरूको बिहीबार कर्जन्हास्थित फूलकुमारी महतो मेमोरियल अस्पतालमा शल्यक्रिया गरिएको हो ।