प्रधानमन्त्री ओलीको भारत भ्रमणबारे विष्णु रिमाल : जहिले निम्तो आउँछ, त्यहिले भ्रमण हुन्छ (भिडिओसहित)

काठमाडौं, ४ पुष । नेकपा (एमाले) का उपमहासचिव एवम् प्रधानमन्त्री केपी शर्मा ओलीका प्रमुख राजनीतिक सल्लाहकार विष्णु रिमालले कांग्रेस एमाले गठबन्धनमा कुनै समस्या नरहेको स्पष्ट पारेका छन् । उनले बीआरआई लिएर पनि दुई दलबीच कुनै समस्या नभएको जिकिर गरे । आज (बिहीबार) राति प्राइम टिभीबाट प्रसारण भएको जनता जान्न चाहन्छन् कार्यक्रममा पत्रकार ऋषि धमलासँगको कुराकानीमा उनले कांग्रेस र एमालेबीच कुनैपनि विषयमा समस्या नरहेको दाबी गरेका हुन् ।