दैनिक उपभोग्य सामान खरिद गर्न भारतीय बजार जाने घटे

दैनिक उपभोग्य लगायतका सामान खरिद गर्न सीमावर्ती भारतीय बजार जाने उपभोक्ताको संख्या ह्वात्तै घटेको छ । बिहानदेखि साँझसम्म भारतीय बजार ओहोरदोहोर गर्न भीड देखिने धनगढीको त्रिनगर नाका, महेन्द्रनगरको गड्डाचौकी लगायत यहाँका नाका आजभोलि सुनसानजस्तै देखिएका छन् ।

सरकारले झिटीगुन्टासम्बन्धी व्यवस्थाअनुसार भारतबाट नेपाल ल्याउँदा ५ सय रुपैयाँभन्दा बढीका सामान ल्याउँदा भन्सार तिर्नुपर्ने नियम लगाएपछि दैनिक उपभोग्य सामान खरिद गर्न भारतीय बजार जानेको संख्या उल्लेख्य रूपमा घटेको हो ।