गणेश आत्मदाह प्रयासपछि प्रेमप्रसाद घटनाबारे बालेनको पुरानो प्रतिक्रिया भाइरल!

काठमाडौँ- २०७९ माघ ११ गते इलामका युवा उद्यमी प्रेमप्रसाद आचार्यले संघीय संसद् भवनअगाडि आत्मदाह गरेपछि तत्कालीन काठमाडौँ महानगरपालिकाका मेयर वालेन्द्र शाहले सामाजिक सञ्जालमार्फत त्यस घटनालाई राज्यको चरम असफलताको संकेत भएको टिप्पणी गरेका थिए।

त्यतिबेला उनले फेसबुकमा लेखेका थिए,‘सबैभन्दा ठूलो कारण राज्य हो र सबैभन्दा भयानक संकेत राज्यको चरम असफलताको हो।’ भविष्यमा यस्ता घटना दोहोरिन नदिन महानगरले सीप विकास र रोजगारी सिर्जनासँग सम्बन्धित संरचना निर्माण गर्ने प्रतिबद्धता पनि जनाएका थिए।