म्यानयुलाई हराउँदै टोटनह्याम काराबाओ कपको सेमीफाइनलमा

काठमाडौं । टोटनह्याम हट्स्पर एएफएल अर्थात् काराबाओ कप फुटबलको सेमीफाइनलमा पुगेको छ । घरेलु मैदानमा बिहीबार राती भएको क्वार्टरफाइनलमा म्यान्चेस्टर युनाइटेडलाई ४-३ ले हराउँदै टोटनह्याम सेमीफाइनलमा पुगेको हो ।

टोटनह्यामका लागि डोमिनिक सोलंकीले दुई गोल गर्दा सङ ह्युन मिन र डिजन कुलुसेब्स्कीले एक-एक गोल गरे । म्यानयुका जिर्कजी, ड्यानिलो र इभान्सले गोल फर्काए । योसँगै काराबाओ कपको सेमीफाइनल समीकरण पूरा भएको छ । यसअघि लिभरपुल, आर्सनल र न्यूक्यासल युनाइटेड सेमीफाइनलमा पुगिसकेका छन् ।