लमजुङमा उद्धार गरी ल्याइएको चितुवा खोर फोडेर फुत्कियो, वनरक्षक घाइते

लमजुङमा उद्धार गरेर डिभिजन वन कार्यालय परिसरमा ल्याइएको घाइते चितुवा खोर फोडेर फुत्किएको छ। नियन्त्रणमा लिने क्रममा चितुवाको आक्रमणबाट ५७ वर्षीय वनरक्षक बुद्धिजङ्ग गुरुङ घाइते भएका छन्।

चितुवाको आक्रमणबाट गुरुङको हातको औंलामा चोट लागेको छ। प्रदेश अस्पताल बेँसीशहरमा प्राथमिक उपचारपछि उनको अवस्था सामान्य रहेको र हाल घरमै आराम गरिरहेको डिभिजनल वन अधिकृत शिव श्रेष्ठले जानकारी दिए।