आमाले माया मारिसकेका रमेश मृत्युको सुरुङबाट फर्कए: परिवार दंग, गाउँ नै चकित

जुम्लाको पातारासी गाउँपालिका–४ लाम्रीका २१ वर्षीय रमेश बुढा भोटेकोशी बाढीमा हराएको ११ दिनपछि घर फर्किए। गत भदौ १० गतेदेखि सम्पर्कविहीन भएका उनी भदौ २१ गते एकाएक गाउँमा देखिँदा परिवार मात्रै होइन, सिंगो गाउँ नै चकित बन्यो।

रमेश फर्किन्छन् भन्ने आशा परिवारले लगभग मारिसकेको थियो। घरमा आँसु थियो, प्रतीक्षा थियो, तर खबर थिएन। मृत्युकै खबर आउने हो कि भन्ने भयले परिवारलाई थिचिरहेको थियो।