अनलाइन जुवा खेलाउने ५ जना नगरकोटबाट पक्राउ

प्रहरीले अनलाइन जुवा खेलाउने पाँच जना व्यक्तिलाई पक्राउ गरेको छ । जिल्ला प्रहरी कार्यालय, काभ्रेपलाञ्चोकले असार ३० गते मण्डनदेउपुर नगरपालिका वडा नं. ७ नगरकोट स्थित नालडुम भिलेज रिसोर्ट र ग्रिन पिस रेस्टुरेन्टमा अनलाइन जुवा खेलाई रहेको छ भन्ने विशेष सूचनाको आधारमा ती व्यक्तिहरूलाई जुवा खेलाइरहेको अवस्थामा पक्राउ गरेको हो ।

पक्राउ पर्नेमा भक्तपुर जिल्लाअन्तर्गतको भक्तपुर नगरपालिका वडा नं. ८ ईमाटोल बस्ने बर्ष ३२ को दिगज नकर्मी, सोही नगरपालिकाको वडा नं. ४ कमलविनायक बस्ने बर्ष २८ को संजिब कुशी र बर्ष २४ को रोशन प्रजापति, सूर्यविनायक नगरपालिका वडा नं. ७ कटुन्जे बस्ने बर्ष २९ को एलिस कुश्म र काठमाडौँ महानगरपालिका वडा नं. १६ शान्तीनगर बस्ने बर्ष ३१ को रोजन महर्जन रहेका छन् ।