एनआरएनएको बजेट घोषणा, संरक्षक परिषद्‌मा ५ जना नियुक्त (पूर्णपाठ)

काठमाडौँ । गैरआवासीय नेपाली सङ्घ (एनआरएनए) को ११५औँ अन्तर्राष्ट्रिय समन्वय परिषद् (आईसीसी) बैठकले आगामी कार्यकालका लागि बजेट सार्वजनिक गर्नुका साथै संरक्षक परिषद्मा ५ जनालाई नियुक्त गरेको छ।

जुन १३ र १४ मा भर्चुअल माध्यमबाट भएको बैठकले सङ्घको आन्तरिक व्यवस्थापन, आर्थिक पारदर्शिता र सङ्गठनात्मक एकताका लागि विभिन्न १४ बुँदे निर्णय गरेको बिहीबार जारी विज्ञप्तिमा उल्लेख छ । अध्यक्ष हेमराज शर्माको अध्यक्षतामा भएको सो बैठक एनआरएनएको इतिहासमा पहिलो पटक फेसबुकमार्फत प्रत्यक्ष प्रसारण समेत गरिएको प्रवक्ता सोमनाथ सापकोटाले जानकारी दिए ।