धनुषाबाट काठमाडौंका लागि हिँड्यो मिटरब्याज पीडितहरूको मार्च टोली

काठमाडौं । सरकारले सहमति कार्यान्वयन नगर्दा साहुको ज्यादती बढेको भन्दै मिटरब्याजपीडितहरूले काठमाडौंसम्म तेस्रो चरणको पैदल मार्च सुरु गरेका छन्। ३५ जिल्लाका ४०० भन्दा बढी व्यक्तिको सहभागिता रहेको यो मार्च जनकपुरबाट सुरु भई १५ दिनभित्र काठमाडौं पुग्ने लक्ष्य छ।

बिहीबार धनुषाको जनकपुरबाट सुरु भएको ‘मिटरब्याजविरुद्ध पैदल न्याय मार्च’ पहिलो दिन १७ किलोमिटर दूरी पार गर्दै धनुषाको दुर्गाटोल, नयाँबजार, महेन्द्रनगरमा बास बसेको थियो।