दुई रात जङ्गलमा हराएका तीन बालकको सकुशल उद्धार, गाउँभर खुसी

जुम्लाको सिँजा गाउँपालिका–२ अवस्थीबाडाका तीन बालक दुई रात जङ्गलमा हराएपछि अन्ततः सकुशल अवस्थामा फेला परेका छन्। विद्यालय जान भन्दै घरबाट निस्किएका बालकहरूलाई स्थानीयवासी र प्रहरीको सक्रिय खोजीपछि जुम्ला–कालीकोट सिमानाको उच्च लेकाली क्षेत्रमा उद्धार गरिएको हो।

फेला पर्ने बालकहरूमा खड्क खत्रीका ७ वर्षीय छोरा परिवर्तन विष्ट, पदम विष्टका ८ वर्षीय छोरा प्रशान्त खत्री र विष्णु रोकायका १२ वर्षीय छोरा विनोद रोकाय रहेका छन्। उनीहरू घरबाट विद्यालयका लागि निस्किएका थिए। तर साँझसम्म घर नफर्किएपछि अभिभावक चिन्तित बनेका थिए।