‘सुकुम्बासी बस्ती हटाउन सेना प्रयोग भएको थिएन’

काठमाडौँ। सरकारले सुकुम्बासी बस्तीमा डोजर लगाई बस्ती हटाउने कार्यमा नेपाली सेना प्रयोग नगरिएको अर्थमन्त्री स्वर्णिम वाग्लेले प्रस्टीकरण दिएका छन्।

सुकुम्बासी बस्तीमा सेना खटाएको भनी संसद्‌मा उठेका प्रश्नको जवाफ दिँदै उनले यस्तो प्रस्टीकरण दिएका हुन्। प्रतिनिधिसभाको आजको बैठकमा विनियोजन विधेयक, २०८३ माथि भएको शीर्षकगत छलफलमा राष्ट्रपतिको कार्यालय, उपराष्ट्रपतिको कार्यालय, प्रधानमन्त्री तथा मन्त्रिपरिषद्को कार्यालय र मातहतका निकाय, रक्षा मन्त्रालय र राष्ट्रिय योजना आयोगसँग सम्बन्धित विभिन्न शीर्षकमाथिको छलफलमा उठेका प्रश्नहरूको प्रधानमन्त्री वालेन्द्र शाहका तर्फबाट जवाफ दिँदै अर्थमन्त्रीले यस्तो बताएका हुन्।