प्रेमले महापुरुषको उचाइ दिलाउने अरुणको आत्मविश्वास

काठमाडौं । आफूले अभिनय गरेको मध्य पहिलो रिलिज चलचित्र ‘महापुरुष’ले सर्वाधिक दर्शकको माया पाउँदा अभिनेता अरुण क्षत्री दंग थिए । चार महिनाअघि रिलिज भएको महापुरुषले नवोदित अभिनेता अरुणको चर्चा नेपाली चलचित्रवृत्तमा चुल्यायो । यतिबेला यिनै अभिनेता आफ्नो अर्को चलचित्र ‘प्रेम’को पर्खाइमा छन् ।

अरुणले मुख्य भूमिका निर्वाह गरेको चलचित्र प्रेम यही शुक्रबार १८ चैतबाट सिनेमा हलमा आउँदै छ । तर, अरुणले अघिल्लो चलचित्र महापुरुषको जस्तो चर्चा पाएका छैनन् । महापुरुषको जस्तो प्रचारप्रसार पनि यो फिल्मको नहुँदा अहिले अभिनेता अरुण निकै चिन्तित छन् ।