समुदायस्तरमा साइबर सुरक्षा सचेतना फैल्याउँदै वर्ल्डलिंक

काठमाडौं । नेपालको अग्रणी इन्टरनेट सेवा प्रदायक कम्पनी वर्ल्डलिंक कम्युनिकेशन्स लिमिटेडले आफ्नो संस्थागत सामाजिक उत्तरदायित्व अन्तर्गत ‘वर्ल्डलिंक इन्टरनेट एकेडेमी’ मार्फत समुदायस्तरमा डिजिटल साक्षरता तथा सुरक्षित इन्टरनेट प्रयोगसम्बन्धी सचेतना अभियान सञ्चालन गरेको छ।

कार्यक्रमबाट गत साउन २०८२ देखि जेठ २०८३ सम्ममा काठमाडौं उपत्यकाका विभिन्न समुदायका ३९२ जना प्रत्यक्ष लाभान्वित भएको वर्ल्डलिंकले जनाएको छ । डिजिटल प्रविधिको बढ्दो प्रयोगसँगै निम्तिएका साइबर दुर्व्यवहार, अनलाइन ठगी, गोपनीयता उल्लङ्घन र गलत सूचना जस्ता जोखिम न्यूनीकरणको उद्देशयले अभियान सुरु गरिएको हो ।