बार्सिलोनालाई हराउँदै एटलेटिको ला लिगाको शीर्षस्थानमा

काठमाडौं । बार्सिलोनालाई हराउँदै एटलेटिको मड्रिड स्पेनिस ला लिगाको शीर्ष स्थानमा उक्लिएको छ । एटलेटिकोलाई जित दिलाउन अलेक्जिेन्डर सोरलोथले निर्णायक गोल गरे । उनले इन्जुरी अर्थात् अतिरिक्त समयमा गोल गर्दै एटलेटिकोलाई अर्थपूर्ण जित दिलाए । घरेलु टोली बार्सिलोनाले सुरुवाती अग्रतालाई पछि कायम गर्न सकेन ।

३०औं मिनेटमा गोल गर्दै पेड्रीले बार्सिलोना अग्रता दिलाएका थिए । तर, ६० औं मिनेटमा एटलेटिकोका रोड्रिगो डी पउलले गोल फर्काए । इन्जुरी टाइममा सोरलोथले नाहुएल मोलिनाको क्रसमा गोल गर्दै टोलीलाई जित दिलाए । उनले सबै प्रतियोगितामा एटलेटिको मड्रिडलाई लगातार १२ औं जित दिलाएका छन् ।