रास्वपा सांसद नै भन्छन्– प्रिय समर्थकहरू सरकार र पार्टी जोगाउन मान्छेको ज्यानभन्दा भारी तर्क नगरौँ

राष्ट्रिय स्वतन्त्र पार्टी (रास्वपा)का सांसद गणेश कार्कीले नियमभन्दा मानवीय जीवन ठूलो हुने बताएका छन् । सामाजिक सञ्जाल लेख्दै उनले सरकार वा पार्टीको बचाउ गर्ने क्रममा मान्छेको ज्यानभन्दा भारी तर्क नगर्न आग्रह गरेका छन् ।

उनले रास्वपा र सरकारका समर्थकलाई सम्बोधन गर्दै सरकार र पार्टी जोगाउने नाममा मानवीय जीवनभन्दा ठूलो तर्क नगर्न आग्रह गरेका छन् । ‘प्रिय रास्वपाका र सरकारका समर्थकहरू, सरकार र पार्टी जोगाउन मान्छेको ज्यानभन्दा भारी तर्क नगरौँ ल,’ उनले लेखेका छन् ।