महिला भलिबलको उपाधि जनज्योतिलाई

अर्घाखाँची — अन्तरपार्टी महिला सञ्जालले आयोजना गरेको सन्धिखर्क नगर उपप्रमुख कप नगरस्तरीय महिला भलिबलको उपाधि चुत्राबेंसीको जनज्योति माविले हात पारेको छ ।

नगरपालिकाभित्रका ११ माध्यमिक विद्यालयको सहभागितामा आइतबार सम्पन्न प्रतियोगितामा अर्घाखाँची आवासीय माविलाई सोझो सेटमा हराउँदै जनज्योति माविको छात्रा टिमले प्रथम स्थान हासिल गरेको हो । प्रतियोगितामा सदरमुकामको अर्घाखाँची आवासीय मावि द्वितीय, गौरीशंकर इंलिस स्कुल तृतीय र भगवती मावि शंखेटारी सान्त्वना भएको छ ।