काठमाडौँका सोह्र सामुदायिक विद्यालयमा शैक्षिक शिविर सुरु

काठमाडौँ । काठमाडौँ महानगरपालिकाको योजना ‘गरिखाने शिक्षा, महानगरको इच्छा’ अन्तर्गत आजदेखि १६ वटा सामुदायिक विद्यालयमा शिविर सुरु भएको छ । उक्त शिविरको नाम ‘फेस्टिभल क्याम्प’ राखिएको छ ।

प्रयोगात्मक तथा रचनात्मक सिकाइ, खेल र मनोरञ्जनका माध्यमबाट विद्यार्थीहरुलाई शैक्षिक अभिरुचिमा प्रोत्साहन गर्न सामुदायिक विद्यालयका कक्षा १० मा अध्ययनरत विद्यार्थीहरुलाई दसैँतिहारबीचको छुट्टी उपयोग गरी शैक्षिक नतिजा सुधार गर्ने उद्देश्यले शिविर सञ्चालन गरिएको कामपाका शिक्षा अधिकारी गोविन्द शर्माले जानकारी दिए ।