इन्डोनेसियाका आठौं राष्ट्रपति प्रबोवो सुबिआन्तोले सम्हाले कार्यभार

जाकार्ता । इन्डोनेसियाका नवनिर्वाचित राष्ट्रपति प्रबोवो सुबिआन्तोले आइतबारदेखि पदभार सम्हालेका छन्। जोको विडोडोलाई पराजित गर्दै सुबिआन्तो इन्डोनेसियाको आठौं राष्ट्रपति बनेका हुन् । पदभार ग्रहण गरेसँगै उनले देशमा व्याप्त भ्रष्टाचारविरुद्ध निर्मम रूपमा अघि बढ्ने प्रतिक्रिया दिएका छन् ।

७३ वर्षीय सुबिआन्तोले यसअघि रक्षामन्त्री तथा सेनाप्रमुखको जिम्मेवारी सम्हालिसकेका छन् । सुबिआन्तो गत फेब्रुअरीमा भएको निर्वाचनमा राष्ट्रपतिमा विजयी भएका थिए । चुनावी अभियनका क्रममा उनले राष्ट्रवादी र लोकप्रिय भाषणले जनताको मत जितेका थिए । ‘१८ वर्षको उमेरमा मैले एउटा प्रतिज्ञा गरेको थिएँ । म जनता र राष्ट्रका लागि मर्न पनि तयार हुनेछु,’ चुनावी र्‍यालीका क्रममा उनले भनेका थिए ।