इजरायलद्वारा लेबनानमा इरानको कुद्स फोर्सका उच्च सदस्य मारिएको दाबी

काठमाडौं । इजरायली सेनाले लेबनानमा इरानको इस्लामिक रिभोल्युशनरी गार्ड कर्प्स अन्तर्गतको विदेशी शाखा कुद्स फोर्सका एक महत्वपूर्ण सदस्यलाई मारिएको दाबी गरेको छ ।

इजरायली सेनाले बिहीबार जारी गरेको विज्ञप्तिअनुसार लेबनानको अन्सारिया क्षेत्रमा गरिएको लक्षित आक्रमणमा हुसैन महमुद मार्शद अल–जवहारी मारिएका हुन् । इजरायलले उनलाई कुद्स फोर्सको युनिट (८४०) अन्तर्गतका प्रमुख व्यक्ति तथा “आतंकवादी गतिविधिमा संलग्न” रहेको आरोप लगाएको छ।