रास्वपा महाधिवेशनः केन्द्रीय समितिको आकार बढ्दा बग्रेल्ती आकांक्षी

काठमाडौं । सत्तारुढ राष्ट्रिय स्वतन्त्र पार्टी (रास्वपा)ले महाधिवेशनको सन्निकटमा विधान संशोधन गर्दै सांगठनिक आकार बढाउने भएको छ । पार्टीको केन्द्रीय सचिवालयबाट विधान संशोधनको प्रस्ताव पारित गर्दै महाधिवेशनबाट अनुमोदन भएपछि लागु हुनेछ ।

आगामी ७, ८ र ९ साउनमा चितवनमा हुने पहिलो महाधिवेशनको तयारी अन्तिम चरणमा पुगेको रास्वपा महामन्त्री कविन्द्र बुर्लाकोटीले जनाएका छन् । विभिन्न समितिहरु गठन गरेर महाधिवेशनलाई भव्य बनाउने गरी अगाडी बढेको उनले जनाएका छन् ।