घरमै राहदानी पाउँदा समय र खर्च दुवैको बचत

कालीगण्डकी गाउँपालिकाबाट सदरमुकाम तम्घासमा राहदानी बनाउन र लिन जाँदा झण्डै १० हजार रुपियाँ खर्च हुने गर्दथ्यो । तर नेपाल सरकारले हुलाकमार्फत घरमै राहदानी पठाउने व्यवस्था गरेपछि करिब पाँच हजार रुपियाँ तथा समय दुवै बचत भएको सेवाग्राहीहरूले बताएका छन् ।

सदरमुकाम तम्घासबाट भौगोलिक रूपमा विकट रहेको यस क्षेत्रमा नियमित सवारीसाधन नचल्ने र बीचबाटोमा गाडी फेर्नुपर्ने भएकाले बढी समय र खर्च लाग्ने गरेको छ । कालीगण्डकी गाउँपालिका–७ भुर्तुङका कमला लुइटेलसहित १६ जनाको राहदानी हुलाकमार्फत घरमै प्राप्त भएपछि ठुलो राहत मिलेको उनीहरूले बताएका छन् ।