सब्सिच्युट खेलाडीको उत्कृष्ट प्रदर्शनमा स्विट्जरल्यान्डको सानदार जित, नकआउट चरण नजिक

मैदान प्रवेश गरेको केही मिनेटमै वैकल्पिक खेलाडी जोहान मन्जाम्बीले दुई गोल गरेपछि स्विट्जरल्याण्डले बोस्निया-हर्जगोभिनालाई फिफा विश्वकप २०२६ को आफ्नो दोस्रो खेलमा ४-१ ले पराजित गरेको छ। खेलको अन्तिम २० मिनेटमा भएको नाटकीय प्रदर्शनसँगै स्विट्जरल्याण्ड विश्वकपको अन्तिम ३२ (नकआउट चरण) मा पुग्ने सम्भावना बलियो बनेको छ।

खेलको ७४ औँ मिनेटमा मैदान प्रवेश गरेको मात्र २ मिनेट ४६ सेकेन्डमा मन्जाम्बीले उत्कृष्ट गोल गरे। पेनाल्टी एरियामा आएको बललाई उनले पहिलो प्रहारमै आकर्षक 'भली' मार्फत जाली चुमाए। मैदान छिरेपछि बलसँगको यो उनको चौथो टच मात्र थियो।