आईफोन १६ को उत्पादन बढाउन चीनमा ५० हजार कामदार थप गर्नाे

एप्पलले आईफोन १६ लाइनअप सम्भवतः सेप्टेम्बरमा अनावरण गर्नेछ। साथै कम्पनीले कथित रूपमा ९ करोड थान आईफोन १६ ढुवानी गर्ने लक्ष्य लिएको छ। उक्त लक्ष्य पूरा गर्न एप्पलको उत्पादन साझेदार फक्सकनले चीनको झेङ्झाउ कारखानामा ५० हजार नयाँ कामदारहरू भर्ना गरेको बिजनेसकोरियाले उल्लेख गरेको छ।

आइफोन उत्पादनको पिक सिजन सामान्यतया अगस्टदेखि सुरु भएर डिसेम्बरमा समाप्त हुने गर्दछ। नयाँ कामदारहरू भर्ती गरेर आइफोन १६ को उत्पादन बढाउने प्रयासमा फक्सकनले जुलाई महिनाको अन्तदेखि २५ युआन (लगभग ४,८०० वोन) सम्मको प्रति घण्टा ज्याला प्रदान गर्न थालेको जनाइएको छ।