बजेट अभावले अस्पताल निर्माण अलपत्र

कालीकोटको रास्कोट नगरपालिका– ५ मा निर्माणाधीन १५ शय्याको अस्पताल भवन निर्माण कार्य साढे पाँच वर्षदेखि कछुवा गतिमा चलिरहेको छ। रकम अभाव हुँदा भवन निर्माण कार्य साढे पाँच वर्षदेखि अलपत्र परेको हो।

देशभरका सबै पालिकामा आधारभूत तहको अस्पताल सञ्चालन गर्ने संघीय सरकारको योजनाअनुसार रास्कोटमा पपिन १५ शय्याको अस्पताल निर्माण थालनी गरिएको थियो। १५ शय्याको अस्पताल भवन निर्माण थालेको ६ वर्ष पूरा हुन लाग्दासमेत अझै सम्पन्न हुन सकेको छैन।