एसी मिलान इटालियन सुपरकप च्याम्पियन, लगातार चौथो उपाधि जित्ने इन्टरको सपना चक्नाचुर

काठमाडौं । इटालियन सुपर कपको उपाधि एसी मिलानले जितेको छ । सोमबार राति रियादमा भएको फाइनलमा एसी मिलानले लगातारको विजेता इन्टर मिलानलाई ३-२ ले हराउँदै उपाधि जितेको हो ।

योसँगै इन्टर मिलानको लगातार च्याम्पियनको यात्रामा पूर्णविराम लागेको छ । इन्टर लगातार चौथो पटक च्याम्पियन बन्ने योजनाका साथ मैदान उत्रिएको थियो । यद्यपि, उसले निर्णायक खेलमा दुई गोल भन्दामाथि स्कोर गर्न सकेन ।