पुस २४ देखि नेपाल एकीकरणको इतिहास सम्झाउने निशान पदयात्रा

इलाम । नेपाल एकीकरणताका पूर्वी सीमा विजय गरेर गाडिएका निसान फर्काइएको बाटो संरक्षणका लागि निसान पदयात्रा गरिने भएको छ । पुस २४ देखि २६ सम्म हुने निसान पदयात्रालाई महोत्सवका रूपमा तयारी पुरा भइसकेको हो ।

पद यात्राको शुभारम्भमा नेपाली सेनाले नेपाल एकीकरण गर्दाको तत्कालीन सेनाको ड्रेस र त्यस बेला प्रयोग भएको हतियारको झल्को दिने गरी कार्यक्रमको तयारी गरिएको इलाम नगरपालिकाका प्रमुख केदार थापाले बताए । उनले एकीकरणको बेला सेनाको कालो ड्रेस, पटुकी सहित खुँडा, खुकुरी सहित देखाउने १० जनाको टिम र पाँच जना ब्यान्डका लागि तयारी गरिएको बताए ।